IPL Retention: इंडियन प्रीमियर लीग (IPL) गव्हर्निंग काउन्सिलने 2025 ते 2027 या हंगामासाठी नवीन खेळाडू नियमावलीची घोषणा केली आहे. बेंगळुरू येथे 28 सप्टेंबर 2024 रोजी झालेल्या बैठकीत या निर्णयांना अंतिम रूप देण्यात आले. या बैठकीत 10 फ्रँचायझींच्या मालकांसोबत चर्चा केल्यानंतर, TATA IPL साठी काही महत्त्वाचे बदल करण्यात आले आहेत.
IPL Retention आणि RTM नियमावली
IPL Retention: IPL फ्रँचायझींना आता त्यांच्या विद्यमान संघातील एकूण 6 खेळाडू रिटेन करण्याची परवानगी आहे. हे खेळाडू Retention किंवा Right to Match (RTM) या पर्यायांद्वारे निवडले जातील. या 6 खेळाडूंमध्ये जास्तीत जास्त 5 कॅप्ड (भारतीय आणि विदेशी) खेळाडू आणि 2 अनकॅप्ड खेळाडू असू शकतात. त्यामुळे फ्रँचायझींना त्यांच्या संघ रचनेत लवचिकता मिळणार आहे.
ऑक्शन पर्स वाढली
IPL आयपीएल 2025 साठी फ्रँचायझींसाठी ऑक्शन पर्स 120 कोटी रुपये निश्चित करण्यात आली आहे. वेतन मर्यादा आता ऑक्शन पर्स, इन्क्रिमेंटल परफॉर्मन्स पे आणि मॅच फी यांचा समावेश करून निर्धारित केली जाईल. 2025 मध्ये एकूण वेतन मर्यादा 146 कोटी रुपये असेल, जी 2026 मध्ये 151 कोटी रुपये आणि 2027 मध्ये 157 कोटी रुपये होईल. यामुळे फ्रँचायझींना अधिक लवचिकता मिळणार आहे आणि खेळाडूंना जास्त वेतनाची संधी असेल.
पहिल्यांदाच मॅच फीचा समावेश
IPL Retention: IPL च्या इतिहासात पहिल्यांदाच खेळणाऱ्या प्रत्येक खेळाडूसाठी मॅच फीचा समावेश करण्यात आला आहे. प्रत्येक खेळाडूला प्रति सामना 7.5 लाख रुपये मिळतील, ज्यात इम्पॅक्ट प्लेयर देखील सामील आहे. ही रक्कम खेळाडूच्या कराराच्या अतिरिक्त दिली जाईल, ज्यामुळे खेळाडूंना अधिक प्रोत्साहन मिळणार आहे.
विदेशी खेळाडूंवर कडक नियम
आता प्रत्येक विदेशी खेळाडूला Big Auction साठी नोंदणी करणे आवश्यक आहे. जर एखाद्या खेळाडूने नोंदणी केली नाही, तर त्याला पुढील वर्षाच्या खेळाडूंच्या लिलावात भाग घेण्याची परवानगी मिळणार नाही. जर एखादा खेळाडू लिलावात निवडला गेला आणि त्यानंतर अनुपलब्ध झाल्यास, त्याला पुढील दोन IPL हंगामांतून बंदी घालण्यात येईल.
कॅप्ड भारतीय खेळाडूंची स्थिती बदलली
भारतीय कॅप्ड खेळाडू जर पाच वर्षांत आंतरराष्ट्रीय क्रिकेटमध्ये खेळला नसेल किंवा त्याला BCCI कडून केंद्रीय करार नसेल, तर तो खेळाडू अनकॅप्ड खेळाडू म्हणून गणला जाईल. हा नियम केवळ भारतीय खेळाडूंवर लागू होईल.
इम्पॅक्ट प्लेयर नियम कायम
IPL 2025-27 या हंगामांसाठी इम्पॅक्ट प्लेयर नियम पूर्ववत ठेवला आहे. यामुळे फ्रँचायझींना सामन्यादरम्यान रणनीतीत बदल करण्याची आणि खेळाडूंचा प्रभावी वापर करण्याची संधी मिळेल. IPL Retention
जय शाह, BCCI चे मानद सचिव, यांनी या निर्णयांची घोषणा करताना सांगितले की, या नियमांनी IPL आणखी रोमांचक आणि स्पर्धात्मक होईल, आणि खेळाडू तसेच फ्रँचायझींसाठी नवे संधी उभ्या राहतील.
NEWS 🚨 – IPL Governing Council announces TATA IPL Player Regulations 2025-27.
— IndianPremierLeague (@IPL) September 28, 2024
READ – https://t.co/3XIu1RaYns #TATAIPL pic.twitter.com/XUFkjKqWed
BORDER GAVASKAR TROPHY 2024 : “चिंता उन्हे करनी चाहीये,फेव्हरेट तो हम है” – मोहम्मद शमी
